Yangiliklar

Monitoring davomida hibsxonada voyaga yetmaganlarni saqlash uchun mavjud sharoitlar ko‘zdan kechirildi.
Monitoring vaqtida muassasada voyaga yetmaganlar mavjud emasligi qayd etildi.
O‘rganishda kameralardagi sharoitlar belgilangan standartlarga mosligi, xususan, kameralarni jihozlash, saqlanish, yotoq, ovqatlanish va yuvinish sharoitlari sanitariya-gigiyena qoidalariga muvofiqligi holati hamda tibbiy xizmat ko‘rsatish tartibi ko‘zdan kechirildi.
O‘rganish natijasida muassasada tibbiyot xodimi mavjud emasligi hamda dori vositalarini saqlash sharoitlari belgilangan talablarga yetarlicha javob bermasligi aniqlandi.
Monitoring yakunida Bolalar ombudsmani muassasa rahbariyatiga voyaga yetmaganlar huquqlarini ta’minlashga oid tegishli tavsiya va ko‘rsatmalar berdi.
Bolalar ombudsmani tomonidan monitoring doirasida ko‘zdan kechirilgan hibsxonalarda voyaga yetmaganlarni saqlash bilan bog‘liq aniqlangan holatlar yuzasidan yuqori turuvchi mutassadi organga tegishli xulosa kiritilishi ta’minlanadi.