Yangiliklar

Mazkur treningda Toshkent shahri, Toshkent viloyati, shuningdek, Samarqand viloyatidan jami 33 nafar prokuror yordamchilari ishtirok etayotgan bo‘lib, ular 2 kun davomida bola uchun do‘stona yondashuvda ishlash borasida yangi bilim va ko‘nikmalarga ega bo‘ladilar. Bo‘lib o‘tgan 2 kunlik trening davomida malakali xorijiy ekspertlar tomonidan tergov davomida bola bilan suhbat metodologiyasi, uning emotsional holatini baholash, uning qayta ruhiy jarohat olishiga yo‘l qo‘ymaslik, protsessual huquqlari ta’minlanishi hamda mazkur toifadagi jinoyat ishlari yuzasidan prokuror nazoratining o‘ziga xosligi kabi masalalar batafsil tahlil qilindi. Trening 2-kunida o‘quv jarayoni ishtirokchilarining interfaol muloqoti shaklida, har bir murakkab keysning detallashgan tahlili asosida olib borildi. Muloqot yakunida treningda ishtirok etgan prokuratura xodimlari maxsus sertifikatlar bilan taqdirlandilar. Bu kabi amaliy muloqotlarning tizimli o‘tkazilishi tergov jarayonlarida bolaga nisbatan do‘stona yondashuvni va ishonchli himoyani ta’minlash orqali milliy amaliyotni xalqaro standartlarga hamohang tarzda yaxshilashga xizmat qiladi.