Yangiliklar

Muassasada bugungi kunda 15 nafar voyaga yetmaganlar saqlanayotgan bo‘lib, kameralardagi sharoitlar belgilangan standartlarga mosligi, xususan, yotoq, ovqatlanish va saqlanish sharoitlari sanitariya-gigiyena qoidalariga muvofiqligi holati hamda tibbiy xizmat ko‘rsatish tartibi ko‘zdan kechirildi. 
Monitoring davomida ishi tergov va sud bosqichida bo‘lgan voyaga yetmagan bolalar bilan jamoaviy, ayrim bolalarning istagiga ko‘ra yakka tartibda suhbatlashilib, muassasada bolalarga nisbatan munosabat hamda sud-tergov jarayonida ularning protsessual huquqlari qay darajada ta’minlanayotganligiga 
oid fikrlari tinglandi. 
Ularga doir hujjatlar. ko‘zdan kechirildi. 
O‘rganish jarayonida voyaga yetmagan bolalar saqlanayotgan kameralarda ayrim kamchiliklar aniqlanib, xususan, sanitariya-gigiyena qoidalari talab darajasida emasligi, bino eski va ta’mirtalab holatda ekanligi, havo almashinuvi  tizimi qoniqarli darajada ta’minlanmaganligi, tibbiy punkti faoliyatida o‘rnatilgan talablardan og‘ishlar mavjudligi aniqlandi. 
Shuningdek, bola o‘z ixtiyori bilan chiqib keta olmaydigan barcha muassalarida Bolalar ombudsmani tomonidan o‘tkaziladigan (qiynoq yoki boshqa g‘ayriinsoniy muomila holatlari mavjud yoki yo‘qligi yuzasidan) anonim so‘rovdan muassasada saqlanayotgan bolalar o‘tkazildi. 
Monitoring yakunida aniqlangan muammo va kamchiliklar yuzasidan yuqori turuvchi mutasaddi organlarga Bolalar ombudsmanining tegishli ta’sir hujjati kiritiladi.