Yangiliklar

Anjumanda global va jamoat xavfsizligiga tahdid solayotgan jinoyatchilikka jalb qilish xavflari muhokama qilindi. Jabrlanuvchilar — ko‘p hollarda bolalar, ayniqsa zaif holatdagi shaxslar sanalib, jabr ko‘rgan shaxs sifatida emas, balki jinoyatchi sifatida baholanadi. 
Bu esa uyushgan jinoiy tarmoqlarga jazosiz faoliyat yuritish imkonini beradi. 

✅Konferensiya davomida Bolalar ombudsmani so’zga chiqib, O‘zbekistonda bolalarning zaif holatidan foydalangan tarzda ularni jinoiy faoliyatga jalb etishning oldini olish bo‘yicha qat’iy choralar ko‘rilayotganligi, xususan, giyohvandlik va narkojinoyatlarga qarshi kurashish bo‘yicha Milliy strategiya qabul qilinib, uning doirasida voyaga yetmaganni kuchli ta’sir qiluvchi moddalarni iste’mol qilishga jalb etish, bolani jalb etib sodir etilgan har qanday narkojinoyat og‘ir jinoyat sifatida e’tirof etilishi, shuningdek, bolalar pornografiyasini tarqatish uchun jinoiy javobgarlik joriy etilib, voyaga yetmaganga nisbatan sodir etilgan og‘ir jinsiy jinoyatlar uchun umrbod ozodlikdan mahrum etish jazosi belgilanayotganligi to‘g‘risida alohida to‘xtaldi. 

Shuningdek, diqqat markazida nafaqat jinoiy ekspluatatsiya bilan kurash, balki eng zaif guruh - bolalarni bu illatdan himoyalash sohasidagi bo‘shliqlarga barham berish, jinoyatchilikka majburan jalb etilgan bolalarni jabrlanuvchi deb e’tirof etish va ularni tizimli ravishda ijtimoiy integratsiya qilinishi choralarini joriy etish masalalari bo‘ldi. 

✅Aytish joizki, 10 yildan buyon an’anaga aylangan Odam savdosiga qarshi Alyansning bu yilgi konferensiyasi yangi global xavf-xatarlarga nisbatan ta’sirchan mexanizmlarni ishlab chiqish, innovatsion yondashuvlarni tobora kuchaytirgan holda mamlakatlararo hamkorlikni mustahkamlashga xizmat qiladi.