Yangiliklar
Bolalar ombudsmani hamda Migratsiya xalqaro tashkiloti(IOM)ning O’zbekistondagi vakolatxonasi rahbari Endryu Grey bilan amaliy uchrashuv bo‘lib o‘tdi.
Dastavval Bola huquqlari bo‘yicha vakil O‘zbekistonda bola manfaatlarini ta’minlash yo‘lidagi islohotlar hamda bolalar ombudsmani faoliyati borasida atroflicha to‘xtalib o‘tdi.
Suhbat davomida migratsiya jarayonlarining bolalarga salbiy ta’siri, shu bois, migratsiyada bo‘lgan oilalar farzandlarini qo‘llab-quvvatlash ularga zaruriy ko‘mak ko‘rsatish hamda noqonuniy migratsiyani oldini olish choralari yuzasidan fikr almashildi.
Uchrashuv yakunida tomonlar migratsiya ta’sirida bo‘lgan bolalar huquqlarini himoyalash
sohasida o‘zaro hamkorlik yo‘nalishlarini belgilab, doimiy va konstruktiv aloqalar o‘rnatgan holda qo‘shma amaliy loyihalar doirasida mavjud muammolarni tizimli bartaraf qilishga kelishib olishdi.
