Mazkur maskan 0-3 yoshgacha bo‘lgan ota-ona qaramog‘isiz qolgan, shu jumladan, psixofizik rivojlanishida nuqsoni bor bolalarni parvarish qilishga mo‘ljallangan ta’lim-tarbiya va davolash-sog‘lomlashtirish muassasasidir.

Bolalar uyida hozirda 11 nafar alohida parvarishga muhtoj bola tarbiyalanmoqda.

Monitoring davomida muassasada bolalar uchun maxsus reabilitatsiya va davolash muolajalari, ovqatlantirish, dam olish, sanitariya-gigiyena sharoitlari tegishli standartlarga mosligi darajasi o‘rganildi.

Muassasada faoliyat yuritayotgan tarbiyachi va mutaxassislarning malakali va fidoyi mehnati tufayli 
bu yerda bo‘lgan alohida ehtiyojga ega bolajonlar tunu-kun mehr va e’tiborda parvarish ko‘rmoqdalar.

Bolalar soni muassasa sig‘imidan ancha kamligini inobatga olib, mazkur maskan imkoniyatlaridan hududdagi ota-onasi qaramog‘ida bo‘lgan, psixofizik nuqsonli bolalarning kunduzgi parvarishini tashkil etish maqsadga muvofiq hisoblanadi va bu borada viloyat mutasaddilariga tavsiyalar berildi.