Yangiliklar

Yunisefning O‘zbekistondagi vakolatxonasi bilan hamkorlikda  Bolalar ombudsmanining hududlardagi mintaqaviy vakillari uchun Huquqni muhofaza qilish akademiyasida o‘quv treningi 3 kun davomida o‘tkazilib, bolaning eng ustun manfaatlarini ta’minlash sohasida zaruriy bilim va ko‘nikmalar berildi.

Trening davomida ekspertlar tomonidan ishtirokchilarga xalqaro tajribalar, shuningdek, ximoya tizimida bolaning xavfsiz ta’lim va tarbiya muxitini ta’minlash borasida tavsiyalar, qonun bilan ziddiyatda bo‘lgan bolalar huquqlarining xalqaro asoslari hamda Barnaxus modeli borasida batafsil ma’lumotlar berildi.

Trening qatnashchilari bilan interaktiv tarzda guruhlarda ishlash orqali turli xayotiy keyslar tahlil qilinib, amaliy muammolarni hal etish jarayoni tashkil etildi.

Seminar so‘nggida barcha ishtirokchilar test orqali olgan bilimlari baholandi, shuningdek ular o‘quv kursi yuzasidan so‘rovnomadan o‘tkazilib, trening yakunida sertifikat bilan taqdirlandilar.