Raxmatov Sattor Ne’matovich 1973-yilda Qashqadaryo viloyati Kitob tumanida tug‘ilgan. Ma’lumoti: oliy. 2020-2023-yillarda O‘zbekiston Respublikasi Oliy Majlisining Inson huquqlari bo‘yicha vakili (Ombudsman) Kotibiyatining Bola huquqlarini ta’minlash sektori mudiri bo‘lgan. 2023-yildan bugunga qadar O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) Kotibiyatining murojaatlar bilan ishlash sektori mudiri lavozimida faoliyat yuritib kelmoqda.

• Vakilga o‘z faoliyatiga doir masalalar bo‘yicha qonunchilik tashabbusi huquqi subyektlari ko‘rib chiqishi uchun qonunlarni ishlab chiqish va qabul qilish, qonunlarga o‘zgartirish va qo‘shimchalar kiritish, shuningdek O‘zbekiston Respublikasining xalqaro shartnomalarda ishtirok etishi yuzasidan takliflar kiritib boradi;

• Qonunlar va boshqa normativ-huquqiy hujjatlar loyihalarini tayyorlash bo‘yicha ishchi guruhlar faoliyatida ishtirok etishi, shuningdek O‘zbekiston Respublikasi Oliy Majlisi palatalarining majlislarida ishtirok etishi hamda muhokama etilayotgan qonun loyihalari bo‘yicha takliflar va mulohazalar kiritishda xulosalar ishlab chiqadi;

• Vakil nazorat tahliliy faoliyat olib borishida, bola huquqlari to‘g‘risidagi milliy qonun hujjatlarini takomillashtirishga va ularni xalqaro huquq normalariga muvofiqlashtirishga doir chora tadbirlarni amalga oshirishda, sotsiologik o‘rganishlar va tadqiqotlar o‘tkazishda Vakilga tashkiliy, uslubiy jihatdan, axborot va maslahatlar bilan xizmat ko‘rsatilishini ta’minlaydi;
• Rahbar topshirig‘iga binoan parlament palatalari va ularning organlari muhokamasiga kiritiladigan masalalar bo‘yicha hujjatlar loyihalarini tayyorlaydi, ma’lumotlar materiallarini saralaydi va tizimga soladi;
• Bola huquqlariga oid xalqaro shartnomalar bo‘yicha O‘zbekiston milliy normativ-huquqiy hujjatlari va majburiyatlarini hisobga oladi va tizimga soladi;
• Vakil topshirig‘iga muvofiq O‘zbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti, parlament palatalari va boshqa davlat organlarining shunga o‘xshash tuzilmalari bilan hamkorlik qiladi;
• Tahliliy materiallar va tizimli tahlil asosida bola huquqlari turli toifalari monitoringlarini o‘tkazish bo‘yicha takliflar tayyorlaydi;
• Bolalar ombudsmani instituti tomonidan o‘tkazilgan monitoringlar yakunlarini tahlil qiladi, ularning natijalari bo‘yicha davlat organlari va jamoat tuzilmalari uchun mo‘ljallangan Vakil tavsiyalari loyihalarini o‘z ichiga oladigan tahliliy materiallar tayyorlaydi;
• Hududlarda olib borilayotgan monitoringlar natijalarini tashkil etish, o‘tkazish va umumlashtirishda hududiy vakillarga amaliy va uslubiy yordam beradi;
• Vakilning parlamentga taqdim etiladigan yillik ma’ruzasiga bola huquqlari ta’minlanishini monitoring qilish va huquqiy tahlil qilish masalalari bo‘yicha maxsus bo‘limni tayyorlaydi;
• Sotsiologik tadqiqotlar o‘tkazadi, ularning natijalari Vakilga yoki unga bildirilgan holda manfaatdor tashkilotlarga beriladi.