Ta’lim muassasalarida bolalarga nisbatan zo‘ravonlikka moyilligi mavjud pedagoglarni aniqlash mexanizmini yo‘lga qo‘yish ko‘zda tutilmoqda.
Mazkur vazifa 2025-yilga mo‘ljallangan Davlat dasturi loyihasining Umumiy o‘rta ta’lim tizimida “Ta’lim uchun qulay muhit dasturini amalga oshirish” 2-maqsadida jamoatchilik muhokamasiga qo‘yilgan bo‘lib, o‘quvchilarga nisbatan zo‘ravonlik holatlarini oldini olish maqsadida pedagoglarning psixologik barqarorligini shakllantirish, shu jumladan, stresslarga bardoshlilik darajasini oshirishga oid choralar ko‘rish rejalashtirilmoqda.
🏢 Maktabgacha va maktab ta’limi vazirligiga ta’lim jarayoni ishtirokchilarini psixologik qo‘llab-quvvatlash tizimini takomillashtirish vazifasi yuklanishi nazarda tutilmoqda.