Monitoring davomida kameralar sharoitining belgilangan standartlarga mosligi, xususan, yotoq, ovqatlanish va saqlanish sharoitlari sanitariya-gigiyena qoidalariga muvofiqligi holati hamda tibbiy xizmat ko‘rsatish tartibi ko‘zdan kechirildi.
O‘rganish davomida muassasa binosi ancha ta’mirtalab holatda ekanligi, voyaga yetmagan bolalar saqlanishi uchun ajratilgan kameralarda sharoit talab darajasida emasligi, shuningdek, tibbiy yordam ko‘rsatish tartibi standartga mos emasligi qayd etildi.
Xususan, muassasada dori vositalari bilan bog‘liq muammolar hamda tibbiyot xodimi shtati bo‘shligi kabi qator kamchiliklar aniqlandi.
Monitoring davomida aniqlangan muammo va kamchiliklar yuzasidan Bolalar ombudsmani tomonidan yuqori turuvchi mutasaddi organga tegishli ta’sir hujjati kiritiladi.
