Uchrashuvda «Nemolchi .uz», «Istiqbolli Avlod», U-Report, O‘zbekiston Bolalar tashkiloti, boshqa nodavlat notijorat tashkilotlari, yuridik klinikalar va yoshlar harakatlari a’zolari ishtirok etdilar.
Muloqot davomida bola huquqlari va qonuniy manfaatlarini himoya qilish, bolalarni zo‘ravonlik, ekspluatatsiya, kamsitish va boshqa ijtimoiy xavflardan himoya qilish, aholining huquqiy xabardorligini oshirish hamda bolalarning ijtimoiy hayotdagi ishtirokini kengaytirish masalalariga alohida e’tibor qaratildi.
 Shuningdek, ishtirokchilar tomonidan sohadagi mavjud muammolar va ularning yechimlari, bolalar fikrini eshitish mexanizmlarini rivojlantirish hamda yoshlar tashabbuslarini qo‘llab-quvvatlash yuzasidan taklif va mulohazalar bildirildi.
Uchrashuv yakunida bola huquqlarini himoya qilish yo‘lida davlat organlari va fuqarolik jamiyati institutlari o‘rtasidagi amaliy hamkorlikni yanada kengaytirish istiqbollari belgilab olindi.
Zero barcha davlat va nodavlat institutlarining mushtarak maqsadi-har bir bola huquqlari ta’minlangan, uning ovozi eshitiladigan, zo‘ravonlik va befarqlikdan xoli xavfsiz hamda uyg‘un muhitni yaratishdir.