Bolalar ombudsmanining Qoraqalpog‘iston Respublikasidagi mintaqaviy vakili oltinchi mintaqaviy hududga qarashli 2-son tergov hibsxonasida saqlanayotgan voyaga yetmagan shaxslar bilan yakka tartibda suhbatlar o‘tkazib, ularning muammolarini o‘rgandi.
Suhbat davomida voyaga yetmaganlarning ruhiy holati, tarbiyaviy yo‘nalishdagi ehtiyojlari va mavjud muammolariga e’tibor qaratildi. Ularning qonuniy huquq va manfaatlarini ta’minlash, ijtimoiy moslashuviga ko‘maklashish yuzasidan zarur tavsiyalar berildi.
🚨Shuningdek, IIV huzuridagi Voyaga yetmaganlarga ijtimoiy-huquqiy yordam ko‘rsatish markazida ham bo’lib, voyaga yetmaganlar bilan suhbat o‘tkazdi.
Muassasada hozirda 3 nafar (2 nafar qiz bola) voyaga yetmaganlar saqlanmoqda.
🚨Markazda voyaga yetmaganlar uchun yaratilgan shart-sharoitlar, jumladan, bolalarning dars jarayonlari, yotoqxona, dam olish joylari hamda sanitariya va ovqatlanish sharoitlari o‘rganildi.
