Oliy Majlisning Bola huquqlari bo‘yicha vakili (Bolalar ombudsmani) ning Toshkent shahridagi mintaqaviy vakili “ International Talents Academy”maktabiga tashrif buyurib, mazkur muassasada ta’lim olayotgan o‘quvchilarning o‘quv sharoitlari bilan tanishdi. Shuningdek, maktabda boshlang‘ich sinf o‘quvchilari uchun “Bola huquqlari olamiga sayohat” mavzusida taqdimot o‘tkazildi.
Taqdimot davomida bolalar o‘zlarining huquq va majburiyatlarini, ushbu huquqlarning qaysi xalqaro hujjatlarda mustahkamlanganligi bilan tanishdilar, shuningdek, bola huquqlarini himoyalashga yo‘naltirilgan O‘zbekiston Respublikasi milliy qonunchiligidagi me’yorlar to‘g‘risida ma’lumot oldilar.
✅Uchrashuv yakunida o‘quvchilar bilan jonli va qiziqarli muloqot bo‘lib o‘tdi, bolalar o‘zlarini qiziqtirgan savollarga javob oldilar.
